ما عاد انا مشتاق والا انت مشتاق
................. انا رقدت البارحه وانت ما امسيت

هذا انت دايم تقلب الصحبه اخناق
................. ودايم تغلى والا انا ما تغليت

صح انك اللي لذة وصاله فراق
................. وصح انك اللي كل ما رحت ماجيت

لكني احبك ومن كثر ما انساق
................. اشوفك بصوتك ليا اقبلت واقفيت

بتدق !! والا انا ترى ماني بداق
................. انا لو اني اللي مزعلك دقيت

تعوذ من ابليس وتزين الأخلاق
................. وتلفن وحاذر لا تتلفن من البيت

شغل جهازك واشحنه بعد الإغلاق
................. ودق الجهاز واعمل كلوز لـ الليت

خل اتصالك يقول مشتاااق مشتاااق
................. والذبذبات تقول مليت مليت

................. ياللي غرامك جاريٍ في وريدي

لا .. وش غرامك جاريٍ في وريدي

................. استغفر الله لو بقول ان غرامك

ما باقي إلا يطبع اسمك على ايدي

................. لأنك بصدري و أنت منته بصدري

تطلع مع أنفاسي و ترجع يا سيدي

................. اليا طلعت أحس كني أشوفك

و آنقص أنفاسي ذكا .. يا ضديدي

................. أخاف لا تطلع و لا عاد ترجع

و اشفق على شوفتك و اقول زيدي

................. فهل علمت عن جنوني يا آنف

اني لـ مجنون النشاز المجيدي

................. لبيك يا سلكا حملت الفضائل

أوعز لصاحبك بتحرير قيدي

................. يعني بحكينا .. لبى و الله عروقك

متى تعيد في عيوني يا عيدي

................. ثقفني بوصلك مثل ما تثقف

شعار جيلي من ثقافة قصيدي

................. لو ضلع عيني حس موطى وصالك

لا طاح حيده و لا طاح حيدي

................. تخيل اني من كثر ما اتخيل

اتخيلك تدعي و احسب انك ميدي

................. يا خي ترى جننتني بالمفارق

جننتني و انا بعدني يا جيدي

................. لكن مع الله كل بلوى بخيره

أنا ذكاي من التجارب رصيدي

................. اذكرني اليا من سمعت بغرابه

اليا سرى فعروق مخك جديدي

................. و أنا بعد لا من ذكرتك يا غالي

باسجد لوجه الله و باقبل ايدي

أدري مسْتغْربْ كلامي وكيفْ كلّي متْ بك
................. وشْ أسوّي دامْ قلبي في غيابكْ يحْتريك؟.................

أهْتويكْ ويمْكنْ إنّي منْ غلاتكْ همْتْ بك
................. همْتْ بكْ بالحيلْ والله لأنه قلْبي يهْتويك.................

الغَلا / لا منْ تنثّرْ في خفوقي / يشْتبك
................. بينْ حبْ وبينْ صدقْ وبينْ شخْصٍ مشْتريك.................

صيرْ مُهْملْ في غرامكْ / وخلّني آرتّبك
................. وإنْ هَمَلْتكْ صيرْ شاطرْ وشيلْ قلبي في إيديك.................

أدري محْتارْ بقصيدي ومثْلكْ أنا حرْتْ بك
................. إشْكني لنفْسكْ دقايقْ / وخلْ قافي يشتكيك.................

طيرْ فيني / لأني أوّلْ ما عرفْتكْ طرْتْ بك
................. إفتخرّ / ما دام قلبي عنده مالك أيّ شريك.................

صرْتْ كلْ الدنْيا عنْدي وأنا شنْهو صرْتْ بك؟
يا خيْ إفْهَمْ نْبضْ شاعرْ ماتْ يا باردْ عليك.................















لحد يرد [ ]