المقشوش الحايلي ... بالصور

**ندى الورد** · 09-10-2008

بسم الله الرحمن الرحيم

السلام عليكم ورحمة الله وبركاته

مرحبا خواتي
جايه اليوم ومعاي الطريقه لعمل المقشوش واللي مايعرف المقشوش ....هذي نوع من المعجنات الشعبيه اللي اشتهرو فيها اهل حاااايل خاااااصه وطعمه لذيذ وينفع فطور ....ومع شاي ومع قهوه وعشاء برضووووه يعني بأي وقت لذيييييذ......وهو مقارب من طعم الرغييييف (المراصيع)

وهذي صوره له قبل عشان تااخذون فكره عنه

والحين نبدأ
المقادير
-2كوب طحين واحد ابيض وواحد بر واللي ماتحب البر تسويه ابيض كله والعكس
-ملعقه اكل خميره فوريه
-ملعقه اكل b.b
-فنجان سكر
-ذرة ملح
-بيضه
- لبن للعجن او حليب او ماء لكن بالنسبه لي اللبن هو الافضل

تعجن المقادير مع بعض بحيث يكون قوام العجينه اغلض من اللقيمات بشوي بحيث تقدري تلقميها بأطراف الاصابع
وهذي صوره لقوامها

بعد كذا خليها تخمر من 3 الى 4 ساعات
انا خمرتها 5 ساعات

بعد ماتضاعف حجمها صارت جاهزه للتشكيل
لكن قبل البدأ
لازم تكونين مجهزه صينيتين تيفال صغيره وتلبسي بيدك اليسار بيز القفاز مثل الصوره عشان تكونين جااااهزه للشغل بشطاره((اذكرو الله ))>>>>>>>>>>

يمكن تقولون وش معنا القفاز يعني مو ضروري!!!
اقولك :لانك بتصيرين شغاله على النار وبيصير كل شيء بالفرن حار
بتشغلي الفرن من فوق وبتشغلي العين الفوقيه
والحين حطي الصينيه على نار هااااديه وابدأي تنقيط العجين وافضل حجم يكون بحجم الكرزه او اصغر شوي لانها راح تنتفش مع النار وبيصير مقاسها مضبوط
ومجرد مايبدأ ينشف العجين وتبدأ الفقاعات بالظهور مثل كذا

على طول دخليها الفرن ((يكون مشغلل والرف مرفوع اعلى من الوسط على نار متوسطه ))عشان ماتحترق عليك لانها معرضه للحرق بسرعععه
مجرد ماتدخلينها بالفرن ضعي الصينيه الاخرى على العين العلويه واعيدي التنقيط مجرد انتهائك من التنقيط تكون الصينيه اللي بالفرن تحمرت
وعلى طول فرغيها بالحافظه عشان تحفظ طراوتها

وهكذا حتى تنتهي العجينه
بعد كذا انتي حره تبين تطعمينها بعسل وزبده
او زبده وسكر مطحوووووووووون وهذي اللذ بصراحه
او تخلينها ساده

وعشان تتبلغ بالزبده والسكر حطيها في زبديه او قدر له غطاء وصبي عليها الزبده المسيحه ورشي عليها كثير من السكر وابدي قلبيها زييييييين مازين على قولت اخواننا الكويتيين
وبالاخير رشيها سكر للوجه........>>>>ادمان السكر والزبده

منقول للامانه

ريـــم الفلا · 09-11-2008

نـــــــدوووووو..

.,.والله حركآت جايبه أكلة أهل حايل.,.

.,.تسلم يدينتس اللي نقلت الموزوع .,.

.,.يلا كملي جميلتس.,.

.,.وسوي لنا شي ناكله.,.

<< ميته جوع وربي

تقبلي فآإئق تقديري واحترآإمي ..

**ندى الورد** · 09-11-2008

هههههههه الله يسلمتس ياقلبي

والله ودي لو اسويلتس بس عجزانه

غيـeeeـرٍ · 09-17-2008

يعطيك الف عآفيه يآبعدي ..

بنتظـآر جديدكـ..

تقديري واحترآمـــي ..

غيـeeeـرٍ

**ندى الورد** · 09-18-2008

الله يعافيك منور


الرئيسية	المنتدى	البوم الصور	العاب	يوتيوب	كتب	توبيكات	مركز تحميل	اتصل بنـا	أعلن معنـا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)


قريبا	قريبا	قريبا