الســـلام عليكم ورحمة الله وبركاته ،،

اليوم بناقش معاكم موضوع خطير مره وهو بعنوان (((((اللعن))))))

ونجد ان الموضوع منتشر بشكل كبير بين الناس وخاصة الشباب الله يهدي الجميع


ماتلاحظون ان كلمه يلعن امك ،، انتشرت انتشار غريب ومريب ،،


وصار اللي يقولها عاادي ،، كانه قايل السلام عليكم ،،


والاغرب ان اللي تنقال له برضوو عـادي عنده ؟ كيف وليش ،،



بعض الشباب الحين بالعكس صارت عندهم يلعن امك مدحه !!


مثلا يجي واحد يقول والله امس سويت كذا وسويت كذا ,,, يجي الثاني يلعن امك ياشيخ !! ؟


واذا قاله يلعن امك مـد هاالخشه شبرين كنه قايله شعر يمدحه ،،



ولا بعض الشباب ،، واحد يسال ثاني ،، وش رايك باللاعب الفلاني ؟


يقول يلعن اممممممممممه يلعـب من جد !


طيب قولي وش دخل امه بالموضوع ؟


واكثر ماتردد هذه الكلمه عند الشباب في جلساتهم ،،

الاول : وينك امس يلعن امك


الثاني : ابد رحت مع فلان الله يلعن امه .


الاول: ليه ماقلتلي انك بتروح معه الله يلعن امك انت وياه .


الثاني: وش دراني انك بتروح يلعن امك .


الاول: ههههههههههههههههه


الثاني: هههههههههااااااااي


ولا كنه صار شي ...................... !؟



وللاسف انها تقريبا اكثر كلمه تنقال هالايام ،، وكم واحد اسأله عن هالكلمه يقول صارت عاده ،،هذا

عذر اقبح من ذنب،، مافيه شي تتعود عليه وانت تدري انه مو زين ولا تقدر تخليه ،،

اوضح لك الخافي عليك انت ترتكب ذنب عظيم من جهتان واليك التوضيح::::::

في حق الله تعالى الذي خلقك وسواك في احسن صوره

وفي حق امك التي قال عنها الرسول في احد الاحاديث النبويه عندما سئل الرسول((((( من احق

الناس باالصحبه قال امك قال ثم من قال امك قال ثم من قال امك قال ثم من قال ابوك))))))

اخي في الله //// اختي في الله

1/اللعن هو الطرد والابعاد عن رحمة الله ومن منا لايحتاج لهذه الرحمه العظيمه

2/اللعن يعتبر تطاول على الله تعالى وتعدي على حدوده فهو الذي يلعن فقط لانه الخالق

3/يأاخي العن الشيطان دامه موجود معاك وين ماتروح والشيطان يجري في الانسان مجرى الدم

4/يأخي هذه امك كيف تسمح لاي مخلوق يسبها ويتلفظ عليها بتقول هذا صديقي يمون علي

بقول لك مالت عليك وعلى صديقك وربي ماتقدر ترد ولا لحظةالم من آلآم وقت الولاده

فما بالك وانت ترضى المهانه والذل لها

وش رايكم في الموضوع ان كان يستحق شاركوني الرأي؟؟؟؟

تقبلو تحياتي بقلم اختكم ""شوكلاتة""

مشكوره قلبي جد موضوع خطير والله صار اللسان متعود عليه

__________________

اسعدني مرورك ونورتي صفحتي يالغلا