للبنات المنهبلات والمستعجلات ع العرس .. !!
لاتحسبين العرس توفي وكتكات
ولا تحسبينه توكس والا بونتي
ولاتحسبين العرس تصفيق واصوات
وانتي على صوت الغطاريف همتي
ولا تحسبين العر س كيكة وطرطات
وصله قطعتيها و وصله بلعتِي
ولاتحسبين العرس كوشة ولمبات
وانت كما الطاووس فيها جلستي
ولاتحسبين العرس احلام في الشات
ياما بنيتيها وياما هدمتي
ولا تحسبين العرس روحة وجيات
هيا اقضبي بيتك عسى مانهبلتي
ليلة سعيدة وانت احلى الجميلات
تشخص عيون الناس اذا حضرتي
(واللاينر)حطيه بلا زيادات
لا يخرب المكياج اذا دمعتي
(والمسكرة)تحتاج لطف ومدارات
حتى يبان الزين اذا غمضتي
(والاسبريه )رشيه حتى البصيلات
ينسك شعرك زين ولو كان زدتي
وترى(المحدد)فن يحتاج رسمات
يبان رسمه زين اذا ابتسمتي
العرس يابنية ماهو شعارات
تفنى مراسيمه وتبقين انتي
ويبقى شريك العمر راعي الطويلات
هذا هو العرس الحقيقي عرفتي
اول نصيحة لك حفظ الصلوات
صلي العشا والفجر في كل وقتي
وفي ليلة العرس الموفق وبالذات
ادعأأأي الكريم الله اذا سجدتي
والتعري لاترضين عند الكوفيرات
ولبسك يملي العين اذا لبستي
واللي على زوجك تحرضك مرات
ارجوك شوتيها شوتت بلنتي
والصبرفي العشرة حتى على فتات
ياماحلا فعلتك يومك صبرتي
واذا حفظت السر مع المدارات
زوجك ترى في عيونه انت كبرتي
والسوق يعني هاه وقت الضرورات
والاترى زوجك يدور لمفتي
زيدي الغطاية وكثري في العبايات
والله يرضى عنك اذا سترتي
اوصيك بالكبسة وكثر الإيدامات
حتى لو إنك من سببها متنتي
وخلي الرجيم اللي فشلتي في مرات
سويه مرة واحدة لا ولدتي
اوراق شاعر يرسل ازكى التحيات
خصيه بالدعوة اذا دعوتي
:::::::::::::::::::::::::::::::::::::::::::::::::: :::::
أتمنى القصيدة تعجبكم .. والله الله بالردود
وانشاء الله هالعوانس الي مسوين زحمه بالمنتدى يعرسن ويفكوننا >> لووووول
:::::::::::::::::::::::::::::::::::::::::::::::
تحياتي
|
التسجيل مجاني
العرض العادي
