صَآفِي يَآلبَن يآ آعضَآء بنت الخليج ..}

النــــــــــاعمه · 07-02-2009

عضو متميز و شاطر وماعليه كلام ..

بس أحس إنه قوي والقوي الله ..
غامض ، و مـ .....
بلاش نحش في هالآدمي !

هواياته : المراسلة ، القراءة ، جمع الطوابع ، السباحة
، الرماية ، ركوب الخيل ، الـ " بولينق " !

نبذهـ عن حياته يقول فيها : فكوني من شركم ..
ترى لو أنتو شريرين في أحد أشرّر منكم !

لبى قلبه الصافي أنا ..

يقولون أنه عسل عسل ..

لولا هالفهاوة والدلاخه اللي طاقته ..
مدري من وين جابها ؟!؟!

بس أحس أن شخصيته مش ولا بد و تصرفاته طايشة و جـ .....
بلاش نحش في هالآدمي !

هواياته : فنية ، شاعر ، رسام، يجمع علب البيبسي ههههه

نبذهـ عن حياته يقول فيها : عايش سني و
بأغني وبحب الحياهـ ..
أنا طبعي كدا وحياتي كدا ....

نقدر نقول " ما " وافق شن طبقة ؟

كل من شافهم يقول " سبحان من جمعكم مع بعض " !
مدري ليه ..

يقولون أنهم أصدقاء" بالحيل بالحيل " ، مع إنهم إلى الآن
عجزوا يتفقون على شيء واحد طول حياتهم !
بس سبحان الله ! أصدقاء !

قدّر الله وسجل واحد منهم بمنتدى ما في يوم من الأيام ..

وبما أنهم أصدقاء" بالحيل بالحيل " ..
قال للثاني يسجل معاه ..

و من يومها ، واحده يشجع الثاني عشان
يزيدون تفاعلهم بهالـ منتدى ..

العضو 1 :
العضو 2 ألحق ترى أكتشفت أن كل مازدت من
الأرقام اللي عند كلمة الـ " مشاركات " ، يعني
أنك بتصير أقوى ..

العضو 2:
ماشاء الله عليك ، مسوي فيها فاهم يالأخو!
هذا وأنت أكبر مني بـ 5 أيام وكذا تفكيرك ؟
أجل ما أعتب علي !
أنا أقول كل مازدت من طول توقيعك
بتكون أقوى ..

العضو 1:
طالع هذاك المشرف كيف التنسيق حق ردودهـ !
الألوان اللي فيها خطيرة ولا الخط ! كلام ثاني ..
لا لا باين من ردودهـ أنه رزهـ !

العضو 2:
طل على ملف ( فلان) ، توني ألقى موضوع
له يموت من الضحك !
ليش أنا ما أقدر أسوي زيه !

العضو 1:
لا ياغبي ! لاتفتح ملفات الناس !
ترى لو شافك المودير ولا المشرف العام بيدري
أنك ملقوف وماعندك سالفة ! <<< خخخخخ

العضو 2:
لا ما أعتقد أحد يقدر يشوفني ..

العضو 1:
إلا أحس إن الملونين يقدرون يشوفون كل شيء ..
مدري متى بتصير تفكر بشكل عميق مثلي ؟

العضو 2:
أنا أفكر أعمق منك ..
أبي أصير ملون !

العضو 1:
أجل تفتح ملفات الناس الشخصية ؟ وتبي تصير ملون !
عسى بس مافتح ملفي الشخصي بعد ؟
ياويلك ..
ترى أنا ما أحب أحد يتدخل في حياتي الخاصة وكذا ..

العضو 2:
وش أبي بملفك !
كل مواضيعك مخيسة !
أجل كاتب موضوع عن وش سويت يوم طردك أبوك من البيت ,,, واحنا وش دخلنا نعرف وش سويت

العضو 1:
شدراك؟
أسكت بس ، مايتكلم إلا الغيران !
يكفيني إنه رد عليه واحد ووحده ملونين يعني واصلين ..

العضو 2:
عسى ماكان رده ينقل للقسم المناسب ؟

العضو 1:
شقصدك ، تشكك بقدراتي الكتابية ؟

العضو 2:
أنا ماقلت كذا ..
أنت اللي قلت هالشيء مو أنا ..

وعلى هالمنوال ..

من أول ما سجلوا ، و هـ المكان والناس اللي فيه
صار شغلهم الشاغل ..

توهم جدد ، ومانشرهـ عليهم ..

في كل يوم يمر ، كانوا يتعلمون شيء جديد ويستفيدون ..
ومع الوقت العضو1 حفظ أسماء أغلب الأعضاء وتعرف على
محتوى أغلب الأقسام ..
العضو 2للآن يلخبط بين قسم الإستراحه والحوار الجاد ..

بعد مدهـ لابئس بها من وجودهم بهـ المنتدى .....
بدت علاقتهم و ناس هـ المنتدى تتوتر بشكل ملحوظ ..

يقولون أن قاعد تتكرر معهم مواقف كثيرة صارت
تأثر فيهم ، وبينهم وبين منتداهم ..

حاولت أتحرى السالفة وأعرف إيش المواقف اللي يقصدونها
و الأسباب اللي خلتهم كذا ..

المهم أني قدرت أعرف اللي صاير من مصادر خاصة وموثوقة ..
>> مايمديني يا الـ أف بي آي ..

_ 1 _

العضو 2:
يالعضو 1، طالع هالرد ، إقراه بسرعه :
اقتباس:
أنا أصلا أكره هالأدمي
ماتحس، إنه يقصد أحد ؟

العضو 1:
إلا ، يقصدني وربي ..
مين اللي كتب هالرد ؟ ووين ؟
وش مسوي له عشان يكرهني كل هالكره !

العضو 2:
أصلا أنا " أحس يكرهـ كل الناس !

العضو 1:
صدق ؟

العضو 2:
مدري مدري أستغفر الله ، أخاف نظلمه..
بس باين من صورته الشخصية إنه حقودي !

العضو 1:
يعني ما أصير أكلمه مره ثانيه .. ؟

العضو 2:
إي أحسن ..
أبعد عن الشر وغني له ياخي..

العضو 1:
لا مارح أعدّيها له ، أنا أوريه والأيام بيننا ..
أجل يكرهني وأنا ما أكرهه !

العضو 2:
إيه لازم تعامل الناس مثل مايعاملونك ..

-2-

العضو 2:
ياحليله مشرفنا .....!
- روعة !!، هذاك المشرف! -
" أحسـ " ـه مرة شاطر وحبوب وما يبغى يزعل أحد منه ..

العضو 1:
لاتجيب طاريه تكفى ..
لا تقول ياحليله !
مالت عليه ..

العضو 2:
أوف ، ليه ؟ وش مسوي ؟

العضو 1:
تخيل كل مانزلت رد ، حذفه ، كل مانزلت رد حذفه !
" أحس " مسوي فيها مستقوي وعنده إشراف ..

العضو 2:
لهالدرجة ظالم ؟
لاعاد ، ماكنت أتوقع إنه كذا ..

العضو 1:
إيه ، حتى " أحس " أنه مستّقعد للأعضاء ..
ماغير يحذف بمواضيعهم وبردودهم هالمساكين ..

العضو 2:
حسبي الله عليه ، إذا هو مستقعد لنا حنا بعد نستقعد له ..

- 3 -

العضو 1:
المشرفة حقت القسم اللي أحبه تركت الإشراف ..

العضو 2:
لااااا قهر !

العضو 1:
تتوقع وش السبب ؟

العضو 2:
" أحس" إن في أحد مزعلها !
تتوقع زعلانه من الإدارة وإلا من عضو معين ؟

العضو 1:
لا لا ما أعتقد ..

العضو 2:

إلا ، أنا " أشك " إن هذا اللي صار لها ..
أصلا كل لما مشرف يترك إعرف أنه
متضارب مع أحد ، أو أحد مزعله ..

العضو1:
أجل شكلها الإداره هي السبب

العضو 2:
إيه " أحس " كذا ..

حالــة الـ " شكــشكـة " :
حالة متأزّمـة ..
تجي للناس بشكل يفوق الوصف ..

متى تحدث ؟ :
تحدث لما تصير الأحاسيس و الشكوك تتحكم في
تعاملات الناس مع بعضها !
في هذي الحالة يصيرون الناس " يشكشكون " ..

أسبابها :
لم يعرف سببها الفعلي إلا الآن ..

في ناس تقول أن سببها هو التفكير بشكل
سلبي في كل الأمور ..

هذه الحالة صنفت من أشد الحالات اللي تخلي الشخص
حاد الطباع في التعامل مع غيرهـ ..
للأسف منتشرة وبكثرة ، بشكل يلفت الأنظار ..

لها آثار مدمرة ، كل مازادت حالة الـ " شكشكة "
زادت هالآثار قوة ..

العلاج :
- التخفيف من كلمتين " أحس " ، " أشك" ..
- تصفية النية عند الحكم على الآخرين ..
- النظرة الإيجابية الدائمة في جميع تعاملاتنا مع الناس ..

نصائح وقائية :
- مو كل شيء ينقال يتصدق ..
- لو واجهتي أختي العضوة وأخي العضو أناس أمثال العضو 1 والعضو 2
من ناحية التفكير ، طنشوهم ..

نكمل مابدأنا به ..
الـ " شكشكة " غالباً تبدأ بيننا وبين نفسنا ..
نصير نهوجس باللي حولنا كالآتي :

أحس فلان يقصدني بكل مواضيعه ..
أحس فلان يكرهـ فلان ..
أحس فلانه تكرهني ..
أحس فلان متكبر ..
أحس ... وأحس .. وأحس ..

تستمر هالـ " شكشكة " لين تتطور ..
ويصير الشخص مايتقبل تصرفات اللي حوله بمجرد أنه
( حس ) بأن غيرهـ يتقصدهـ ولا يكرهه ... إلخ ..

مع الوقت تبدأ تطلع آثار الـ "شكشكة " ..
وهي التخاصم ، والتعامل الحاد بيننا وبين بعض مثال :

حسيت إنه يتقصدني أنا أوريه !
حسيت إنه يكرهني ، بأكرهه ..
حسيت إنه .... بـ .....

وبالتالي تصير بيننا مشاكل سببها :
أبد ، ولا شيء !
شكشكنا في البداية شوي وبس ..

لما نبني تصرفاتنا مع حولنا على أساس الـ" شكشكة "
فـ هذا غلط بحقنا وبحق الآخرين ..

معاً لـ :

نتقبل الآخرين ، نكون مرنين ، متسامحين ..

- نمسكها وحدهـ وحدهـ .. -

نتقبل الآخرين :
هو أننا نبني علاقاتنا وتعاملاتنا معهم بشكل إيجابي
ونتقبل وجهات نظرهم بسعة صدر ..

من أهم الأسباب اللي ماتخلينا نتقبل غيرنا هو :
التكبّر ..
مثال :
( مين هو عشان يتجرأ ويرد رد مخالف لرأيي ! )
( هالعضو ماصارله أسبوع ومسوي لي فيها أقوى واحد هذا اللي ناقصني ! ) ، إلخ ..

إذا نبي نكسب اللي حولنا ، فـ هذا التفكير لازم نتحاشاهـ ..

طيب والحل :

نكون مرنين :
مأخوذه من مصطلح أسمه ( المرونة ) ..
لما نقول أن المطاط مرن ، فهذا يعني أنه يتشكل بسهولة
ولما ينضغط من أي جهه يتحمل هذا الضغط بشكل سلسل ..
>> لا عاد تضرب أمثلة ..

المرونه في التعامل تحتاج لـ مجهود + صفاء نية + صبر ..
مانقابل الإساءة بالإساءة ، نحاول نقابلها بإحسان ..

باقي الـ تسامح :

غلطنا بحق غيرنا كثيييييييييير ..
وغيرنا غلط بحقنا كثيييييييييير ..

مافي أحد مايغلط ..
بس ماينفع نبقى على الغلط ..

لازم نسامح بعض ، ونغفر زلاّت وأخطاء بعض !

وأنآأقول قلبي صآفي يآلبن لكم يآأعضآء بنت الخليج ..

ζ ـطـٍٍٍـٍموٌگ يآ ڤلـٍـٍبے...»© · 07-02-2009

ان بعض الظن أثمـ..

صدقتي حبيبتي~..

بكل كلمهـ قلتيها..

وهالشكووكـ كثير ماترااود الانساان.."

غاليتي..~

لكي كل الشكر على الطرحـ الراائعـ..

ولكـ احلى تــ+ــــ+ــــقــ+ـــــ+ــيــ+ــمـ..

مساعد · 07-02-2009

موضوع جميل

وصاادق بكل معانية
اختي الناعمة
مشكورة ماقصرتي

المحترف&الصغير · 07-02-2009

واحنا كمان نقووول لك صااافي يااااالبن

يسلموووو نعووومه على المووووضووع الرائع

لاعدمنااااك خيتوووووو

اخوووك المحترف

نووور عُمان · 07-02-2009

موضوعـ جميل وصادقة في كل كلمة فيه

ان بعض الظن اثم ..

تسلمينـ يالغلا { نعوومة }ْ...


الرئيسية	المنتدى	البوم الصور	العاب	يوتيوب	كتب	توبيكات	مركز تحميل	اتصل بنـا	أعلن معنـا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)


قريبا	قريبا	قريبا