شهد الروح " جزا لا يتجزأ من روحي
مو على بعضك أحسك
لما احبك
وأشتاق لك
لما التفت وما القاك
وأفقد وجودك حيل
لما اكون متضايقة منك
لما ازعل عليك
لما اعصب منك
لما ابجي لك
فبهالوقت اسمعني
مو من طبعي أشكي لأي أحد
مو من طبعي أبين لأي أحد إني زعلانة منك
أحب أشكي لك منك
أحب أبين لك بس إنت مشاعري من حب / حزن / زعل / شوق
لما افقدك .. أشعر بموجة جنون .. أفقد كل عقلي
لما تخوني الأيام .. وتمنعنا عن بعض
كون لي إنت اليد الرحيمة .. اللي تمسح على قلبي .. وتهديه وتطمنه
اهمس لي بحب وبشوق .. ابعد عني أي خوف .. لا تكون إنت والزمن ضدي
لما تشوفني منطوية على نفسي .. وحزينة من كل قلبي .. ومتضايقة وزعلانة
لا تفكر منو الغلطان .. لا تعطيني تفاصيل الأحداث .. لا تنصحني
خلني أعبر عن مشاعري
خلني أنفس عن حزني
خلني بين ايدك أبجي
امسح دمعتي
طبطب علي
اسمعني باحساس
مو مهم منو الغلطان
مو مهم السبب تافه والا قوي
المهم إني متضايقة ومحتاجتك
المهم إنك تستحملني وتطلعني من هالجو
لا تستخسر فيني دقايق من وقتك
لأن وقتي كله لك
لأني أحبك من كل قلبي
وإن شفتني مو على بعضي .. فتأكد إن مر علي وقت احتجتلك فيه بس ما حصلتك
فقدتك .. تدري شنو يعني فقدتك !
مابي منك شي
غير إنك تسمعني
مابي غير فرصة أعبر فيها عن ذاك الوقت
عشان ينمسح من قلبي .. وأنساه
لا تحرمني من هالراحة
لأني ما تعودت أقول لشي لغيرك
فخلني أشكي منك لك
خلني لي فقدتك .. أعتب على الظروف عندك
وأبجي لك
وخذني بين حضنك
وخلني أحبك طول العمر
وخلني أحبك طول العمر
__________________
لست بكاتب ولا ثرثار .. وإنما أملك قلما سليط الحبر ..............................
التعديل الأخير تم بواسطة ** ضناني الـشوق ** ; 11-04-2008 الساعة 09:52 PM.
|
التسجيل مجاني
العرض العادي
