اخون الحسن الامني وطيت الهم انا وحدي .... اخون العز الامني وقفت بوسط بنيانه

واخون الهم إلامني رحمته لو علي لدّي ..... واخون الفرح الامني تحزمت ورخص شانه

واخون المرهف الحساس الامن وقّفت ضدّي .... واخون القلب الامن صرت انا وحدي ببستانه

ألا يا مسهري وش بي إلامن ضاق بي حدّي .... أعول القاف ولا يرضى يكمل حرف بالخانه

الامني صفقت الكف فوق الكف وباح بي سدّي ...... ترجلت الفرس ثم ضاع عني رسم عنوانه

اصيح ولا سمع حسّي صديقٍ جاني يهدّي .... وانوح ولا رحم نوحي ما غير الله سبحانه

الا يا غايبه عني دخيلك راجعي جهدي ..... بمواقف كنت انا وياك نتسامر على شانه

وروحي بالفكر يمي وشوفي كيفي بجدّي ..... إلامني اخذتك حضن أتنهد بريحانه

احبك والهوى ضدي احبك والوفا مدّي ..... احبك وانتي بقلبي ملكتي كل وجدانه

جعلتي بالوهم يا بنت عيني بحرٍ لخدّي ..... تغذيه الدموع اللي تعدّى منه رويانه

الا يا ظالمه وينك الا يا ظالمه ردّي ..... ملكتي القلب يا قلبي وملكتي كل سلطانه

ذبحني صمتك القاتل يقطعني ولا ودّي ..... ولكن ارتسم حرفي يبعثر دم شريانه

سريتي في خفى نفسي تعدين الهوى عدّي ..... غلطتي بالعدد لكن فتحتي صفحة احزانه

وراحت جملتي تشكي تزيد رعود من رعدي ..... الامني صرخت الآآآه قلت الله يا فلانه

انا ارخصت لك عمري وانا ارخيت لك شدّي ...... ولو صار النهايه قطع وصلي قلت غلطانه

حسافه انتهى حبي حسافه ابتدى بعدي ...... حسافه قلت غلطانه وهي بالقصد خسرانه

الا حيف من صمتي تعديتي على هدّي ..... وقدرتي تبعدين الحين وصرتي حيل تعبانه

الا يا غاليه روحي ولكن ذاك هو جلدي ..... ومثل ما قال ما يحتك جلدك غير بأسنانه

انا عفت الهوى وياك وابتناساك لاْ تردّي ..... انا برميك في هاك البحر واجعلك غرقانه

انا برميك في بحر الشعر وان باح بي سدّي ...... ابا اخلي جميع الناس ترمي فيك باشجانه

يمين الله انا بصغرك في عيني وذا حقدي ...... على اللي خانت العشره قليل ذاك في شانه

خطير الحب ما يحكي حكايه من هوى نجدي ..... يعيش الحب في عسره رسم لوحات فنانه

انا من نجد انا نجدي انا خالد وذا خلدي ..... بنظم القاف ذا عزّي واعيش العمر صوّانه

والا مني قتلت الحزن لا تبدأ علي تبدي ..... نصايح بالهوى والحب وانت الشوف تزدانه

أيا حرفي انا آسف تعبتك والهوى شهدي ..... عسل صافي تلوث في يدين الزين بخيانه

لذلك بكتفي وادعي لربي عالم بسعدي ..... يرشدني السعد ويثيبني الراحه بإيمانه

ألا يا مستجيبٍ لي أنا راجيك من زهدي ..... تهدي قلبي الشاكي تهدي الحزن والوانه

احبك والهوى ضدي احبك والوفا مدّي ..... احبك وانتي بقلبي ملكتي كل وجدانه

جعلتي بالوهم يا بنت عيني بحرٍ لخدّي ..... تغذيه الدموع اللي تعدّى منه رويانه

الا يا ظالمه وينك الا يا ظالمه ردّي ..... ملكتي القلب يا قلبي وملكتي كل سلطانه

ذبحني صمتك القاتل يقطعني ولا ودّي ..... ولكن ارتسم حرفي يبعثر دم شريانه

سريتي في خفى نفسي تعدين الهوى عدّي ..... غلطتي بالعدد لكن فتحتي صفحة احزانه

وراحت جملتي تشكي تزيد رعود من رعدي ..... الامني صرخت الآآآه قلت الله يا فلانه

انا ارخصت لك عمري وانا ارخيت لك شدّي ...... ولو صار النهايه قطع وصلي قلت غلطانه




يسلمووووووووووووووووووووو


وتقبل مروري بود

__________________