لا تخليني
كرهت اكتب بيوت الشعر و اوزانه....كرهته ليه مدري طاااح من عيني
رغبته ثم صااار الكره عنوانه....حذفته مـن بقايـااا زيـف تكفينـي
كتبته جرح يووم العين سهراانه....وكنت اخفيه بيـن الحـظ و سنينـي
رسمته شوق تشفي روحي الوانه....و اثار اللون كذب و زيف يشفينـي
يخون الي من الزلات قد صاانه...ويقصر عن شعووورٍ راسـخٍ فينـي
رميت العشق ثم الشوق باحضانه....وهو بالهـم والحسـرات يرمينـي
تركت الناس حتىالفرح من شانه....و هو بالصد يومي جيت يجزينـي
سمحت و قلت يمكن موعده خانه....و يمكن له ظروووفه يوم يجفينـي
و اثاري موعده ماا خان. هو خانه....و راح ولا رجع لي غير يشكيني
يقول الناس تكتب شعر فرحاانه...و توزن في بيوتـي فرحـة سنينـي
وتضحك يوم تكتب بيت نشواانه...من البسماات باضحك بينـي وبينـي
وحبرك يشتكي لي هم واحزانه....وشعرك من سيووف القهر يرمينـي
قصيدك ورد ذاابل وانت بستاانه....ودمعك يوووم تكتب شعر يدمينـي
و حزنك من صميم القلب عنوانه....وفرحك تفضحه دمعـااات تبكينـي
و روحك من عناد الحظ تعباانه....تكاابر والحزن فـي عينـك يبينـي
و قلبك كل ماا تكتب على لسانه....يزيد بحسرتي فـوق الـذي فينـي
همومك في سطور الشعر ترساانه....فراق وهجر.ظلم وصبر مشقينـي
حياتك من هموم الوقت ملياانه....وعمرك ضااع بين الدمعـه وبينـي
تعالى من خلقك بـفرق سبحاانه....عن الي من غيـاب الهـم ناسينـي
عيونك مااشكت لك ليه سهراانه؟....وقلبك ماا سألته كم بكـت عينـي؟
خلاص اسمح لشعرٍ راح في شانه....وخلك في همووومك لا تنادينـي
سكت وقلت صعب الشعر نسيانه....وصعب انسى الجروح الخافيه فيني
ولكن بـافضح الي طال كتماانه....ويكفي من عذاب الصمـت يكفينـي
حبيبي.. ذااب قلبي وسط وجدانه.... كذا يكفي ..رجيتـك لا تخلينـي
|
التسجيل مجاني
العرض العادي
