الله مـــن هـــم فلج فرحه البــــــال
خلى حيـــاتي مثل سود الليـــــــالي
كني محمل فوق متني بالاحمـــــال
وليا بغيت امشي حمــولي ثقالـــي
تهـــون لو الهم من قله المـــــــال
لكـــــــن همي م القريب المــــوالي
صــارت حياتي كل يوم في اشكــال
مخلــــوط علقــــمها بمر وحــــــــالي
رحال في الدنيا تقل صاحب اشغال
اللـــي صفا للناس انا ما صفـــالي
ثوب جديد وغتــره فوقهــا عقــــال
وانــــا عليل القلب مما جـــــرا لي
مثل السجين اللي سكن سد الاقفال
والا كمـــا المدفون تحت الرمـــالي
واليـــــوم انا مغربل الفكر غربــــال
مــــا عاد اميز بين مر(ن) وحــــالي
الصـــاحب اللي زود النار باشعـــال
يمشـــي في الديرة بقيل( ن) وقـــــالي
يدري على امتانه كتاتيب الاعمـــال
ولاحســـب قولة حـــرام وحــــــلالي
يـــا لايمي دمعي على الخد همــــال
اللي عطيته كـــل عمري جفــــــاني
ذي قصتي مثـــــل ولا كل الامثـــــال
وان مــــا تصدق خل نفسك بـــــدالي
وختـامها صلوا على طيب الفـــــــال
اللي عليه الوحــــي منزل نــــــزالي
الـــــصـــقــــر (الــــجـريــح) الــــحــر
التسجيل مجاني
ذي قــــــــصــــــتــــي
العرض العادي
