جرحي ما يرضيه قلبك لو يجـي كلِّـه حنـان

مساعد · 07-05-2009

تغيَّر شي .. لكن .. صار فاضي هـ المكـان
يعني إنتَ شفت قلبي طحت مِنْ عيني وعينـه

كان لك قلبي مدينه ولاحظ إني قلت : كان
يعني إنتَ الحين واحد خارج حدود المدينه

ليه مستغرب كلامي وليـه أعطيـك الأمـان
وليه تَكْذِب في كلامك العـذر وينـك ووينـه

ما ألومك كان قلبـك ثـارت أمواجـه وخـان
الخطا منَّي لأني صرت فـي بحـرك سفينـه

والسؤال اللَّي كتمته وما نِطَـق فيـه اللسـان
كيف إيدك إطعنتني وأنا أحْسِبْهَـا أمينـه ..؟

جرحي ما يرضيه قلبك لو يجـي كلِّـه حنـان
لو تبوس الجرح فيني ولـو تقبلهـا إيدينـه

يُوم أحبك قلت كلمه : يكرَم المرء أو يُهان
وإنتَ قلبي ما كرمته وما قدرت إنِّـك تهينـه

عزِّتي .. ما هي جديدهـ أنا شامخ من زمان
إغسل إيدك من رجوعي وروح يا إبن اللذينه

طاب خاطر قلبي منِّك وهذي الفرقـى رهـان
وحتَّى لو قلبي يحبـك ربِّـي بـ فراقـك يعينـه

تدري لما قلت أحبك قلت وما عنـدي ضمـان
وإختياري كان خاطىء تجربه بالحيـل شينـه

كنت تخطي وكنت أسامح مرَّهـ ومره وثمـان
أدمح الزله عشانك وأكتـم أنفـاس الغبينـه

كنت أحبك وكنت أعزك والغلا فينـي جبـان
خاف تزعل لو ألومك ضعت ما بينـك وبينـه

في عيون الناس عادي بس في عيني جنـان
وكان قلبي من يشوفك تفضحه نظـرهـ حنينـه

ماني أوَّل من يحب ومنتَ آخر شخص خـان
المحبه في زمانك [ بحرها ] من غيـر مينـه

الفشل .. كان النتيجه وأعتقـد آن الأوان
أبني مستقبل حياتي وأنسى قصتنـا الحزينـه

وخطوتي الأولى غيابك وراح أطبقها عشـان
يبكي قلبك لا فقدني والندم .. يملـي سنينـه

جاي تسأل عن مكانك !! هو بقى فيني مكان ؟
الله يرحمها المشاعر اللي كانت لـك رهينـه

قلت لك [ قلبي مدينهـ ] فيها لك حشمه وشـان
لكن إنتَ الحين أغرب شخص في هذي المدينــه ..

[هُدَوْء أُنًثِى ـآأ ..~ · 07-05-2009

يسلمو ميمو
وايد حلوة

مساعد · 07-05-2009

مرورك احلي اختي
انسانة
منوررررة
يشرفني مورروك

نووور عُمان · 07-05-2009

قصيدة رائعة

صح لسانكـ

باركـ الله فيكـ

تسلمـ خيوو مساعد ..

مجنونه انا · 07-05-2009

يسلمووو ميموو على القصيدة الرائعه الله يعطيك العافيه

وصح اللسانك وانت متميز دائماا يالغالي


الرئيسية	المنتدى	البوم الصور	العاب	يوتيوب	كتب	توبيكات	مركز تحميل	اتصل بنـا	أعلن معنـا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)


قريبا	قريبا	قريبا