ضمة شوق

ولهت وتعبت من الشوق
وجيت ابشكي لك

كرهت الدنيا بغيابك
من اولها ل تاليها

لا تسالني بعد
احبك نعم احبك
وخل كل الناس تسمعها

ترى ما لي احد غيرك
لو تزعل مني
الدنيا كلها تخاصمني
وتطيح الدمعة من عيني

لملم شوقي ولا تبعثرني
ضمني بين ايدك واحملني

ابيك البلسم لجروحي
وابيك النوم في عيوني

طلبتك يا بعد روحي امانة لا تخليني
لو رحلت عني اصير ضحية كيد عدواني

ابي منك وعد على غيري لا تبديني
انا شريتك حبيبي لا تبعيني

اليك اهدي نغم شعري
وكل نبض فيني
ولو فاضت انفاسي
ابيك انت معزيني

ولو سالوك ليش زعلان
قل لهم
حبيبي هنا وبروحي خلاني

ابيك تقول هي دمي اللي في شرايني
لانك دمي الي يضخ بشرياني

تراك بعالمي كل نور
في ظلمة سنيني

وتراك حبيبي وعمري
انت الدنيا وبحضنك لها لون وشكل ثاني

الراقي محمد

ام ليلى
رائع ماتكتبين ورائع ماتنقلين كلمات جميله كجمال روحك سلمت

_________________________________________________________
v

ضمة شوق

محمد
انت الاجمل والارقى
ومرورك بين كلماتي اسعدني
دمت بكل الود والخير

ماجد99

ام ليلى
صح لسانكـ
بما كتبتي من احساس صادق
لمن احببتي فهنيئآ له برووحكـ
ومشاعركـ الرقيقهـ
يعجز لساني عن التعبير امام
ابداااعكـ المستمر
لا عدمناك ولا عدمنا طرحكـ
دمتي بود عزيزتي

_________________________________________________________

ضمة شوق

ماااااااااااااااااااااااجد
نورت كلماتي وعطرتها بمرورك الكريم
فشكرا لك
دمت بكل الود والخير