.°•.ღ.[لـَــَهٌــفٌـــتِــــيٌ مَــــَـآتــَـتٌ].ღ.•°.
قصيدهـ قرآتهآ وآعجبتني وآحببت أن أنقلها لكم
من كلمــات نوض سدير
/
\
/
للزمان اللي تعود يبخل وماهوب وافي
للأماني اللي عرفتني من كثر ماني بغيت
للهموم اللي ارهقتني في مجيي وانصرافي
للعذاب اللي بلاني كلما نمت وصحيت
للجروح اللي غزتني وبيحت ماكان خافي
للظنون اللي لعبت بي كل مارحت ولفيت
للغموض اللي اكتنفني والذهن ماهوب صافي
للطريق اللي وطيت اشواك دربه ماشكيت
لاغترابي اللي خذاني لابعد حدود المنافي
للسرآب اللي اشوفه واطرده لين ابتليت
:::
جيتكـ
وحسيت ان الأمْر خالطه اختلافي
جيتكـ
وياليتني ردتني خطاي وبقيت
لهفتي ماتت ومات بموتها صوت ارتجافي
والخفوق الله يكافي لابكى جرحي بكيت
بعد حب سنين شلته كله اسرار وخوافي
بعدما اعطيتك عيونٍ مالحد غيرك عطيت
آآآآهـ .. ماأقساه واقسى احساسي اللي كان دآفي
ومااقسى وقتي اللي قد حرم عيني المبيت
كم // وكم كنت اتمنى ترجع اوجاعي عوآفي
بعدما ضاق الزمان وغاربي جرحي المميت
الهدب باسباب همي شاخص(ن) ماهوب غافي
والطريق اللي غفرلي ماغفر يومي خطيت
:::
خايفة مستقبلي المجهول لو يصبح عجافي
وخايفة لوقيل بكرة منك يابنت (اكتفيت)
خايفة جرح العيوف وخايفة هم يشافي
وخايفة من شي يحصل في غيابي مادريت
كنت احس البرد سيف والقدم دامي وحافي
جد انا اللي ارخصت نفسي يومي بجرحي رضيت
بداخلي صوت يقول لمشهد التجريح كافي
يومه يقول لخفوقي ليه حبيت وهويت ؟ !
كان ودي انك تثمن رحلة الشوق وتكافي
وكان ودي انك تحــس بخافق عيا يبيت
مابقالي غير جرحٍ موحش وليل و قوافي
راحت سنيني حسآيف مانفعني قول (ليت)
|
التسجيل مجاني
![الصورة الرمزية ]| •• قمرهمے كلهمے ••|[](http://b66k.com/vb/avatars/u2734.gif?dateline=1227157436)
العرض العادي
