ياخووووي !!
السلام عليكم ورحمة الله وبركاته
شلونكم ان شاء الله بخير
هات القلم ياخوي في خاطـري بـوح
ودي اترجم لـي طـواري وهوجـاس
واخذ من الابيات سجّـه مـع الـروح
في معزلً مافيه مـا يزعـج الـراس
هذي ثمان سنيـن والقلـب مجـروح
والفكـر شـارد والمعاليـق يـبّـاس
ويفوح في صدري همومٍ كمـا فـوح
صفر الدلال اللي لها النـاس جـلاس
امشي علـى درب المقاديـر وانـوح
ويهيض وجداني ليـا هـبّ نسنـاس
سبة ظروفٍ تجهـد الحـال وتـروح
وتترك مواجعها على القلـب حـراس
تعبت وانا اشيـل والوقـت مشفـوح
يطوي سنيني دون رحمه ولا احساس
كني غريقٍ شاف موته على لـوح !!
تلعب به الامواج مـا صابـه اليـاس
ابني من الاحـلام بنيـان وصـروح
احلام ورديه غـدت مالهـا سـاس !
واطرد سراب الـلال واخيلهـا دوح!
مثل الذي فالدهـر للسيـل عسّـاس !
وازيف الفرحـه سواليـف وامـزوح
وامنّي الخاطر بـلا بـاس.. لا بـاس
تدري وش اللي يقهر القلب والروح ؟؟
انك تعيش العمر محتـاج للنـاس !!
|