يامن يطيق الصبر يامن يطيقـه=مليت من دربـي وأدور رفيقـي
كلن على ماقيل يعـرف طريقـه=وأنا غشيماً سارحاً في طريقـي
متضارباً مابين حزنـاً وضيقـه=متضايقاً والكـون كلـه يضيقـي
ودمعي على الأجفان يشعل حريقه=وأنا تلهـب بالظمايـر حريقـي
رماح بعـدك ياحبيبـي زريقـه=متهاجمة مـرات فـرد وفريقـي
عديت ساعاتي وكم مـن دقيقـه=وأشوف صرعاتي تغرغر بريقي
وأطراف جسمي ياحبيبي رقيقـه=ماقوا على حملي وجسمي رقيقي
أعيش متفائـل بنـور الحقيقـه=متى نشوف النور يضوي فريقي
متى تـزور البيـت ولا تويقـه=متى تعيش بموق عيني غريقـي
متى نعيش الوقت مثـل الخليقـه=متـى يقـوم الحـظ ولا يفيقـي
ونعيش ماضينا ونطعـم رحيقـه=من دون عثراتـاً تبـلاَ طريقـي
((عبدالله بن غيث))