السلام عليكم ورحمة الله وبركاته ..

كيفكم ياعسولين ؟؟ انشالله تكونو بخيروعافيه يارب ..

طبعا أكيد السؤال محيركم من زمان؟؟

لكني لقيت الاجابة... وانشالله تستفيدوا

حقووووووووووووول لكم ليه الخروف تقووول امباااااااااااااااع... ؟؟؟

طبعا كلنا نعرف إنو الخروف كان موجود من عهد قديييييم الزماااااااان ..

وإجابة السؤال تقول كان يامكان في قديم الزمان كان فيه خروف وخروفه ..

الخروف والخروفه حبوا بعض .. وعاهدوا نفسهم على إنهم مايتفرقوا أبدا مهما سار..


وكان الخروف يعزم خروفته في الحضيرة كل يوم ...ويخرجوا مع بعض يتمشوا

ويلعبوا... وكانوا عايشين حياة سعيدة مافي أحلى منها ...

المهم يا طعمين .. في يوم من الأيام ... حصل مالم يكن في الحسبان

قرب عيد الاضحى

وجاء رجال لصاحب الخروف .. وعرض عليه إنو يشتري منو الخروف

رفض راعي الخروف في البداية .. ولكن الرجال ضاعف السعر ..

فدب الجشع والطمع في نفس الراعي ..(صاحب الخروف )

وأعطى الرجال الخروف وأخد المبلغ وراح الرجال بالخروف ..

طبعا الخروفه زعلت ( ياحرااااام _ ياقلبي عليها ) وقعدت تبكي على فراق حبيبها

وسوت اضراب عن الاكل والشرب حتى وزنها نقص ..

وفي يوم من الايام جات صديقة الخروفه

وسألت الخروفه عن حبيبها اللي تركها

وكانت تقول لخروفتنا : "فين حبيبك المزعوم.. شكلو تركك وراح حضيره فيها

خروفات احلى منك ... "

فطلت خروفتنا في وجهه صديقتها والدموع ياقلبي زي الشلال من عيونها

وقالت بصوت مضطرب يكسوه الحزن والام " امباااااااااع"

_كانت ياحياتي مزكمه وتبغي تقول انباع _

فاندهشت الخروفه التانيه وشعرت بالحزن والاسى لحال صحبتها المسكينة

وكنوع من التعاون والمواساة سارت تقول زي صحبتها امبااااع امباااع

وتووووووووووووووالت الاجيال وكبروا الصوغااار وساروا يرددو دي الكلمــــــــــــــــــــه

زي ما كانت جدتهم ترددها دايما إلين ما جا أجلها وماتت من الحزن على فراق حبيبها

ههههههههههههههههههههههههه

ودمتم سالمين

استنى ردودكم اللي تحلي الموضوع ياحلويين

محبتكم دوماً ..

كلي ذوووق